Dy akse rrugore që lidhin disa fshatra, por q ë janë lënë në harresë e për të cilat është ngritur shpeshherë zëri në bashkinë e Kuçovës, sipas kandidatit opozitar në zgjedhjet e 14 Majit, Lefter Maliqi, do të ndërtohen brenda muajit tetor.
Në një takim me banorët e këtyre fshatrave, që bëjnë pjesë në njësinë administrative Lumas, Maliqi u ka kërkuar banorëve që të mos mashtrohen e të mos e shesin votën te kryebashkiaku aktual Kreshnik Hajdari.
Kjo pasi ai në bashkëpunim me oligarkun Pëllumb Salillari realizoi tenderin që i rrëmben Lumasit dhe fshatrave përreth një pasuri kombëtare si burimi i Sinecit, e për më tepër ka investuar zero lekë për infrastrukturën që e lidh zonën me qytetin e Kuçovës.
“Gju me gju, do mbetem njëri prej jush! Mos u mashtroni, mos u blini, mos u nënshtroni nga presionet dhe premtimet boshe!
Rruga -Lumas-Luzaj-Velagosht;
Rruga Pëllumbas-Belesovë-Mendrakë;
do të kthehen realitet me brigade të fuqishme ndërtimi brenda muajit Tetor. Kurajo! Votoni me zemër te ardhmen tuaj dhe gjithë bashkisë. Bashkia Kuçovë do kthehet ‘Kantier Ndërtimi’”, shkruan Maliqi në Facebook teksa ndan foto nga këto takime.
