Familjarë dhe të afërm të Fatmir Sulovarit dhe Leonard Thodhorit, të cilët raportohen të zhdukur që prej datës 6 prill, protestuan sot para Drejtorisë së Përgjithshme të Policisë së Shtetit në Tiranë.
Ata njëzëri kërkuan nga policia rinisjen e kërkimeve për gjetjen e trupave, që dyshohet se pas ekzekutimit janë groposur në fshatin Vrinë të Konispolit.
“Nëse kanë vdekur të paktën të na thonë dhe t’u hedhim një dorë dhe”, tha xhaxhai i Fatmir Sulovarit për mediat në nisje të protestës.
Ndërkohë, një përfaqësi e tyre e përbërë nga tre persona u prit në zyrë nga kryepolici Muhamet Rrumbullaku dhe sipas deklaratës së Gëzim Sulovarit, vëllait të një prej 46-vjeçarëve të zhdukur kanë marrë garanci se kërkimet do të rinisin së shpejti.
“Do fillojmë së shpejti tha ai. Nuk më dhanë shumë shpjegime Nuk na dhanë shumë shpjegime, na thanë jemi në hetime. Tani të shpresojmë, ua kemi lënë në dorë policisë. Unë jam vëllai i madh i Fatmirit. Do e ndërpresim protestën pasi ia lamë në dorë policisë së Tiranës. Ai është zhdukur që nga data 6, s’kemi pasur probleme. S’kemi dyshime sepse s’kemi konflikte me askënd. Leonardin e ka pasur të njohur, nuk kanë qenë shok. Unë personalisht Leonardin nuk e kam njohur. S’e di s’flas dot se nuk di gjë për të. ëgjuam fjalët e njerëzve se mund të jenë hedhur nëpër fshatrat ku përqëndruam kërkimet. U nisëm me llafe Sarandë”, – tha i vëllai i Fatmir Sulovarit pas takimit disa minutësh me Drejtorin e Policisë së Shtetit.
Ndërkohë, një prej të afërme teksa foli për mediat tha se kërkojnë që të zbulohet nga drejtësia nëse, “Koçolja” dhe Fatmiri nuk jetojnë më, në mënyrë që edhe familjet të qetësohen dhe të kenë ku të prehen të dashurit e tyre.
Sipas tij ngjarja mund të ketë ndodhur për shkak të një prone që u shit dy herë në zonën e kanalit të Çukës.
“Kamerat sipas tyre nuk funksiononin, 7 ditë humbën kohën. Ata u kanë gjetur vendin. Kjo histori mori përmasa ditën e 10 dhe 12. Nëse shteti ka dashamirësi ta bëjë thjesht, të paktën të flasin privatisht të qetësojnë familjet. Shanset janë zero. Dyshimet janë tek prona që u shit dy herë, mund të jetë nxitje nga njerëz të dytë apo të tretë. Kanë thënë hiqeni qafe se me një person të tillë s’merreni dot”, – u shpreh i afërmi i të zhdukurve.
Ndërkohë një tjetër i afërm i Sulovarit, i ka bërë thirrje kryeministrit Edi Rama që të reagojë për rastin, duke thënë për mediat: “Hajde çohu Edi Rama, hajde ta gjejmë, çohu lëviz karrigen, çohu o kryeministër, o gjumash”.
Ai tregoi se e shoqëroi natën që është zhdukur dhe i kërkoi të shkonte me të, por Fatmir Sulovari i ishte drejtuar me fjalët: “Bëhu djali i mirë, kthehu në shtëpi”.
“Më ka mbetur peng ajo ndarje”, u shpreh i afërmi.
“26 ditë të mos gjesh dot një trup njeriu, janë gjetur gjëra më të mëdha. Hajde çohu Edi Rama, hajde ta gjejmë, çohu lëviz karrigen, çohu o kryeministër, o gjumash. E mban të fshehtë thua kryeministri? E mban. S’ka pasur kurrë konflikt, se vëllai nuk i binte njeriu në qafë, e as nuk i binin.
Inshalla nuk e kanë hedhur në ndonjë grup, i lutem Zotit ta gjejmë. Jam tym, ishte shpirt njeriu. Nuki bëri keq kujt. Jam personi i fundit që kam pasur kontakt me të, e kam çuar. E pyeta: A të vij edhe unë vëllai im?, “Jo”, më tha, “Ktheu në shtëpi”.
Më ka mbetur peng ajo ndarje në ujë të ftohtë, “Bëhu djali i mirë, kthehu në shtëpi”, më tha. Uroj të jenë gjallë të dy, por me kërkimet që po bëjmë, s’kemi asnjë rezultat. Asnjë rrobë, telefon, portofol, çakmak, asnjë lloj shenje. Është për tu habitur.
Dyshimet janë të forta, por përgjigjen s’po e marrim. Tek këta shpresojmë ne, tek policia. Po kërkojmë më shumë familjarët se sa policia. Duhet ndihma e shtetit, se s’bën. Merri dy qen kërkues”, shtoi ai.
