Një futbollist është arrestuar këtë fundjavë teksa është bërë protagonist i një çmendurie të vërtetë në futbollin amator në Australi. Adam Abdullah, një lojar i skuadrës së Griankër, ka sulmuar vijërojtësin Khoder Jagi.
Grinakër luante kundër Padstou, në turneun rajonal në Sidneit dhe Abdullah ishte në tribunë si spektator pasi ishte i pezulluar.
Por gjatë ndeshjes, ai ka qenë i pakënaqur për vendimet e gjyqtarëve dhe kështu në fund të saj ka vendosur të bëjë vetë drejtësi.
Ai i është vërsulur vijërojtësit duke e goditur me forcë me grushta për ta gjakosur, ndërsa raportohet se i ka thyer atij nofullën nga forca e goditjeve.
Policia australiane e ka arrestuar futbollistin ndërsa gjykata i ka hequr të drejtën e lirisë me kusht, në pritje të një gjyqi që parashikohet se do ta bëjë shembull për këdo që tenton të bëjë të njëjtën gjë.
