Sipas ligjit të ekstradimit anglez, Shqipëria ka afat 45 ditë për të dërguar në Britani të Madhe të gjitha provat që ka arritur të sigurojë lidhur me vrasjen e biznesmenit Ardian Nikulaj.
Prokurori ka një dosje voluminoze ku gjatë kësaj periudhe janë sekuestruar disa kamera sigurie, prova shkencore si dhe dëshmi të cilat duhet të përkthehen brenda afatit ligjor.
Pas arrestimit të 4 personave në Londër, ata u njohën me vendimin e gjykatës e cila dha masën e sigurisë “Arrest me burg” ndaj tyre, ndërsa vajza e cila u arrestua pak momente më vonë këtë të hënë do të njihet me vendimin e gjykatës.
Lidhur me kërkesën e ekstradimit që ka nisur vendi ynë në Britani të Madhe seanca do të mbahet më 5 Maj.
Në kërkim ndërkombëtar vijojnë Ruben Saraiva, shtetasi portugez i cili ekzekutoi biznesmenin Nikulaj dhe Harry Simson.
Policia shqiptare po bashkëpunon me palën greke për të bërë të mundur lokalizimin dhe arrestimin e personave të cilët ende nuk janë vënë në pranga për vrasjen e 50-vjeçarit Ardian Nikulaj.
