Osman Bilyhu, autori i dyshuar i vrasjes së Anila Ruçit në zonën e Scaldasole, në Itali, ka lënë ambientet e spitalit.
31-vjeçari është dërguar në burgun e Torre del Gallo, pasi kushtet e tij shëndetësore u përmirësuan pas ngjarjes së rëndë ku mbeti e vdekur 38-vjeçarja.
Mediat italiane raportojnë se 31-vjeçari, i cili u gjet me plagë të rënda në bark dhe kraharor më 19 Prill kishte thënë para policisë se i kishte marrë plagët nga “një sulm me thikë nga një person i panjohur, gjatë së cilit u vra gruaja ndërsa ai u plagos”.
Por kjo dëshmi mbeti e pabesueshme për hetuesit derisa nga ekspertiza e mjekëve kuptuan se plagët në trupin e tij ishin shkaktuar nga vetë ai.
Po ashtu, u morën nën shqyrtim kamerat e sigurisë të cilat nuk filmuan asnjë person tjetër që të hynte apo të dilte nga shtëpia e çiftit, të cilët në orët e para pas ngjarjes besoheshin se ishin motër e vëlla, sipas asaj që viktima i kishte treguar banorëve të zonës për Bilyhun.
Këto dy elemente plus vonesa e raportimit të ngjarjes ishin ato që ngritën dyshimet tek autoritetet.
Sipas asaj që shkruajë mediat, alarmi u ngrit në orën 16:00, ndërsa sulmi dyshohet se ka ndodhur në orën 05:00 të mëngjesit.
Këto për hetuesit përbëjnë incidie të rënda faji kundër tij dhe ka ende shumë rrethana për të sqaruar. Mbi të gjitha motivin. Deri më tani nuk dihet se pse e kreu vrasjen.
Marrëdhënia mes Bilyhut dhe Ruçit nuk është përcaktuar ende. Në fshat ata e prezantonin njëri-tjetrin si motër e vëlla, por nuk kishin lidhje gjaku. Madje dyshimet janë që mes tyre nuk ka pasur një lidhje dashurie.
Motra e vërtetë e 31-vjeçarit, e cila jeton në një provincë të Pavias po pret autorizimin që të takojë villain, ndërsa ky i fundit nuk ka njohur avokaten që ka vendosur e motra, duke kërkuar një të ri.
Anila Ruçi u gjet e pajetë e goditur me thikë në qafë në derën e pasme të banesës së saj. Ajo që dha alarmin ishte estetistja e saj pasi e reja kishte planifikuar një takim me të, por nuk ishte paraqitur.
