Dani Alves dëshmoi më 17 prill për herë të katërt para gjyqtarit. Këtë herë, për të pranuar se kishte kryer marrëdhëniet seksuale, por për të bërë të qartë se ato gjithmonë kanë qenë me pëlqim të dyanshëm.
“Cadena SER” ka pasur akses në transkriptin e plotë të të gjithë deklaratës së futbollistit.
“Disponimin e saj e kam vërejtur nga mënyra se si kërcente, si më afrohej, si shkëmbenim pozicionet”, vazhdoi ai.
“I thashë që të vazhdonim në tualet. Ajo tha po, nuk kishte problem. I thashë që do të shkoja unë i pari dhe do ta prisja brenda.”
Sipas rrëfimit të brazilianit, brenda në tualet gjërat ishin shumë të ndryshme nga ajo që ka shpjeguar viktima e dyshuar. Ata u puthën, bënë seks dhe ajo e pyeti “dy herë nëse i pëlqente” dhe ai tha po.
Prokuroria e Barcelonës ka kundërshtuar lirimin e përkohshëm të ish-lojtarit të Barçës, Dani Alves, siç kërkoi mbrojtja e tij javën e kaluar.
Braziliani shpjegoi më tej se do doli i pari nga tualeti pasi kishte mbaruar punë dhe i kërkoi të priste disa minuta vajzës, pastaj të dilte dhe ajo.
Kjo sjelle duket se e ka zemëruar vajzën, që më pas vendosi ta akuzonte për përdhunim.
“Unë isha thjesht një bashkëpunëtor i dëshirës që ajo kishte ose i atyre që kisha unë,” ngulmoi Alves, duke përforcuar argumentin e tij se marrëdhëniet ishin gjithmonë të miratuara nga vajza.
