Një aksident i rëndë rrugor ka ndodhur mbrëmjen e sotme në Fushë Mamurras, ku i plagosur ka mbetur një fëmijë.
Mësohet se ngjarja ka ndodhur pranë linjës hekurudhore, në aksin rrugor Mamurras-Fushë Mamurrës.
I mituri është goditur nga një makinë dhe është transportuar me urgjencë drejt spitalit të Traumës në Tiranë, për një ndërhyrje më të specializuar mjekësore.
Nuk dihen ende rrethanat si ka ndodhur aksidenti, ndërsa policia po punon për zbardhjen e shkaqeve.
