Kandidati për kryebashkiak në Tiranë, Arlind Qori i ka kërkuar votën qytetarëve të cilëve njëkohësisht u ka premtuar se pas 14 majit do të hetojnë të gjitha kullat shumëkatëshe në mes të kryeqytetit.
Qori gjatë fjalës së tij bën me dije se Erion Veliaj dhe Edi Rama kanë bërë kasaphanë urbanistike pasi ata janë përgjegjës që në Tiranë janë zhdukur monumentet e kulturës siç është Xhamia e Et’hem Beut dhe Kulla e Sahatit.
“Mund të flisja edhe unë për shijet e mia muzikore përballë Xhamisë së Et’hem Beut dhe Kullës së Sahatit, por kam zgjedhur t’i marr seriozisht qytetarët e Tiranës dhe kasaphanën urbanistike të Erion Veliajt dhe Edi Ramës. Zhdukja dhe tjetërsimi i monumenteve të kulturës kanë fajtorë dhe përfitues. Kush hesht për ta, duhet të mbyllë gojën politikisht për gjithçka tjetër”, shkruan Arlind Qori.
“Jemi përballë kësaj kasaphane urbane dhe ata që e kanë shkaktuar duhet të vendosen para ligjit. Nëse do votoni lëvizjen bashkë gjënë e parë që do të bëjmë ne do të hetojmë këto kulla të cilat nuk do të ekzistojnë më. Tiranës do t’i kthejmë identitetin historik me çdo kusht”, tha nër të tjera gjatë fjalës së tij Arlind Qori.
