Një 27-vjeçar me kombësi shqiptare është vënë në pranga nga Policia pasi është kapur me lëndë narkotike.
I riu shqiptar e kishte shndërruar sediljen e makinës së tij në një vend të posaçëm ku fshihte lëndën narkotike.
27-vjeçari u vu në pranga pas një kontrolli që u bë në bashkinë Fuceçhio. Ai u ndalua në fshatin San Pierino duke drejtuar makinën e tij dhe qëndrimi i të riut zgjoi kureshtjen e ushtarakëve, të cilët më pas bënë kontrollin e plotë të mjetit.
Ky operacion bëri të mundur gjetjen e fshehur poshtë sediljes të një qese e cila përmbante 100 gram kokainë.
Shqiptari kishte me vete edhe rreth 500 euro në kartëmonedha të prera të vogla, të cilat besohet se ishin të ardhura nga tregtia e drogës.
