Një automjet tip “Volkswagen” është djegur gjatë mbrëmjes në Korçë. Policia njofton se mjeti është në pronësi të një 30-vjeçari dhe ngjarja ka ndodhur në lagjen nr.5 të qytetit.
Paraprakisht dyshohet se zjarri në mjet, mund të ketë rënë për shkaqe aksidentale (shkëndijë elektrike).
“Më datë 24.04.2023, rreth orës 03:45, në lagjen nr. 5, rruga “10 Korriku”, ka rënë zjarr në automjetin tip “Volkswagen” në pronësi të shtetasit M. A., 30 vjeç, banues në Korçë, i cili ishte i parkuar. Nga kqyrja paraprake e kamerave të sigurisë të banesës, nuk janë konstatuar lëvizje të ndonjë personi të dyshimtë apo ndonjë veprim i kryer ndaj mjetit”, njofton policia.
Grupi hetimor po punon për përcaktimin e plotë të shkakut të rënies së zjarrit.
