Myrto Uzuni po kalon një sezon të shkëlqyer në La Liga2, aty ku aktivizohet me skuadrën e Granada.
Në 32 ndeshje të zhvilluara, sulmuesi shqiptar ka arritur të shënojë plot 21 gola dhe ka dhënë 4 asiste.
Këto paraqitje të Uzunit, nuk kanë kaluar pa u vënë re nga klubet e mëdha. Sipas asaj që raportojnë mediat spanjolle, interes për 27-vjeçarin ka shfaqur Sevilla.
Këta të fundit nuk po kalojnë një sezon të mirë, ndërsa kanë filluar të mendojnë për përforcimet që do të bëjnë në merkato.
Për të siguruar shërbimet e Uzunit, Sevilla duhet të paguajë të paktën 15 milionë euro në arkat e Granada.
