Përdhunimi me forcë i një 29-vjeçareje malteze i ka kushtuar shtrenjtë një shqiptari me banim në ishullin mesdhetar.
Mediat lokale raportojnë se Ilir Gjorna është arrestuar sapo ka zbritur në aeroportin “Luqa” të Maltës, pasi ishte arratisur nga ishulli pas incidentit me vajzën. Ato shkrujanë se shqiptari e ka rrëmbyer 29-vjeçaren me forcë nga një stacion autobusi dhe ka abuzuar seksualisht me të brenda një furgoni.
Ai akuzohet për rrëmbimin e gruas malteze, kryerjen e një akti seksual jo konsensual ndaj saj, duke e mbajtur atë kundër vullnetit dhe nënshtrimin e gruas ndaj akteve të padëshiruara të intimitetit fizik.
Viktima, 29 vjeç, mësohet se ka qenë duke pritur në një stacion autobusi kur i pandehuri është ndalur dhe i ka ofruar një udhëtim. Kur ajo refuzoi, Gjorna dyshohet se doli nga furgoni dhe e futi atë në të, duke e rrëmbyer. Pasi ajo ndodhej brenda automjetit, prokuroria pretendon se ai ka vazhduar të mbajë forcërisht gruan dhe ka tentuar ta detyrojë të kryejë seks oral.
Gjorna, i cili tha në gjykatë se ishte një marangoz slloven, ishte larguar nga ishulli menjëherë pas incidentit dhe u arrestua në aeroport pas rikthimit të tij në Maltë.
Avokati Mario Buttigieg i tha gjykatës se shqiptari deklarohej i pafajshëm për akuzat. Ndërkohë avokati i 29-vjeçares, Angele Vella, kërkoi nga gjykata lëshimin e një urdhri mbrojtjeje në favor të viktimës së pretenduar, të cilin gjykata e la në fuqi menjëherë.
Gjykata e paralajmëroi të akuzuarin se shkelja e këtij urdhri do ta dënonte me gjobë prej 7000 € ose me burg.
