Dy persona kanë mbetur të vdekur dhe dhjetë të tjerë janë plagosur në Madrid, për shkak se restoranti ku po darkonin ka shpërthyer në flakë.
Zjarri që kaploi restorantin italian “Burro Canaglia Bar and Resto” në lagjen Salamanca të kryeqytetit spanjoll besohet se është shkaktuar pa dashje nga një kamarier, i cili tentoi të dhuronte show me mishin në flakë.
Dëshmitarët okularë pohuan se zjarri filloi pasi kamarier kreu një flambe – një teknikë gatimi ku mishit i hidhet alkool përpara se të marri flakë.
“Flakët nga pjata u përhapën në mure dhe tavan”, tha dëshmitari okular për gazetën spanjolle “El Pais”.
Shërbimet e urgjencës njoftuan se zjarri filloi pranë hyrjes së restorantit dhe bllokoi rrugën kryesore nga e cila klientët mund të kishin vrapuar për të dalë jashtë.
Policia spanjolle ka nisur një hetim të zgjeruar rreth incidentit të rëndë.
