Një 35-vjeçar shqiptar është arrestuar nga policia kufitare në aeroportin e Abruzzo-s pasditen e së enjtes.
I riu shqiptar ishte një nga pasagjerët e fluturimit W63864, në avionin e linjës Tiranë-Pescara që operohet nga kompania Ëizzair dhe u ul në aeroportin në orën 14:00.
Atij iu vunë menjëherë prangat nga oficerët e policisë kufitare, sapo tentoi të vuloste pasaportën.
Për 35-vjeçarin ishte lëshuar një urdhër-arresti pasi rëndonte një dënim me 4 vjet e 3 muaj burg, i lëshuar nga gjykata e Breshias në vitin 2020, për ngjarje të ndodhura në vitin 2012.
Dënimi, i cili u bë i ekzekutueshëm në vitin 2022, erdhi pas akuzave për dëmtime të rënda me përdorimin e armëve.
