Deputetja e Partisë së Lirisë, Monika Kryemadhi është shprehur se padia penale ndaj Top Channel, është ndritur për akuzat e pabaza dhe të falsifikuara që janë bërë ndaj saj me qëllim manipulimin e opinionit publik.
“Top Channel thotë se llogaritë bankare të Monika Kryemadhit janë të vërteta, por në këtë rast kemi një llogari bankare të falsifikuar dhe në rast se Top Channel është kaq i vërtetë le të bëjë një padi ndaj meje.
Unë po pres dhe drejtuesen e komisionit të ligjeve Klotilda Bushka të ulet dhe të shkruaj dy gisht letër dhe të bëjë një kallëzim penal ndaj Monika Kryemadhit, ndërkohë që unë nesër do të bëj një kallëzim penal ndaj shoqërisë Top Channel dhe prokurori do të zbardhi arsyen se përse kjo media bëri këtë gjë. Jam dakord që E-mailet kanë ardhur në mënyrë anonime, por Top Channel a e ka bërë verifikim e këtyre E-maileve.
Gjatë kësaj padie kërkohet falja publike, eliminimin e të gjithave shkrimeve që kanë lidhje me këtë gje dhe kërkoj një dëmshpërblim financiar që kjo media këtë veprim e ka bërë disa herë me politikanët dhe artistët. Kjo media është aset ndërkombëtar se ashtu siç ka të drejtën mos të shantazhohet dhe cila është e drejta që kjo media përdoret nga një kompani ofshore për të sulmuar njerëzit.
Padia penale ndaj personave që falsifikojnë me qëllim dezinformimin të opinionit publik parashikohen nga kodi penal. Shoqërisë shqiptare u bëhet lavash truri nga mediat që shfrytëzojnë frekuenca kombëtare duke u përdorur nga grupe të strukturuar kriminale korruptive të lidhura me qeverinë dhe grupet e interesit sjell një rrezik shumë të madh për vendin tonë.”
