Partia “Lëvizja Bashkë” ka çelur fushatën elektorale për zgjedhjet lokale të 14 majit.
Kreu i “Lëvizjes Bashkë” dhe njëkohësisht kandidati për kryebashkiak i Tiranës, Arlind Qori ka prezantuar programin për kandidimin e tij në kryeqytet. Qori premtoi se “Lëvizja Bashkë” BASHKË do të jetë zëri i guximshëm i shumësisë së qytetarëve të Tiranës.
Ne do të luftojmë që Tirana të bëhet qytet i jetueshëm, me parqe e hapësira publike, me shërbime publike cilësore dhe zhvillim ekonomik të qendrueshëm.
Reagimi nga Lëvizja Bashkë:
“NIS ME ENTUZIAZËM FUSHATA E LËVIZJES BASHKË
Sot në sallën Black Box të Universitetit të Arteve nisi rrugëtimi elektoral i Lëvizjes BASHKË. Qindra qytetarë shprehën mbështetjen e zjarrtë për programin dhe kandidatët e Lëvizjes BASHKË.
Gjatë takimit mund të shquhen fjalimet e kandidatëve Mirela Ruko, Redi Muçi, Rexhina Elmazi, Klodi Leka, Bora Mema, Albina Ruko dhe Arlind Qori. Secili përcolli përvojën e vet me qytetin dhe aktivizmin, duke vënë gishtin në plagët e qytetit dhe mundësitë e transformimit të tij.
Lëvizja BASHKË do të jetë zëri i guximshëm i shumësisë së qytetarëve të Tiranës. Ne do të luftojmë që Tirana të bëhet qytet i jetueshëm, me parqe e hapësira publike, me shërbime publike cilësore dhe zhvillim ekonomik të qendrueshëm.”
