Mbyllja brenda katër mureve të shtëpisë nuk është kapërdirë lehtë nga një 19-vjeçar fierak, i cili ka zgjedhur ta thyejë masën e sigurisë “arrest në shtëpi”, që gjykata kishte vendosur për të pasi ishte kapur duke shitur lëndë narkotike.
I riu me inicialet O.L është arrestuar nga uniformat blu jashtë banesës së tij, teksa sërish i janë gjetur disa doza lëndë narkotike me vete.
Më parë ai ishte nën arrest shtëpiak pasi ndaj tij rëndonin akuzat për veprat penale “Prodhimi dhe mbajtja pa leje e armëve dhe municionit luftarak” dhe “Prodhimi dhe shitja e narkotikëve”.
