Mesfushori i Kombëtares shqiptare, Valon Ahmedi, e ka nisur në mënyrën më të mirë sezonin me skuadrën e Shakhtjor Soligorsk, në elitën e futbollit bjellorus.
Pas golit në javën e parë dhe asistit në javën e dytë, 28-vjeçari, regjistroi një tjetër asist ditën e sotme në duelin ndaj Gomel që përfundoi në brarazim 1-1.
Në minutën e 41-të, Ahmedi dhuroi një top të mrekullueshëm për Karpitskin, teksa ky i fundit e shndërroi në gol.
Vlen të theksohet fakti, se përveçse lojtari më në formë i momentit te Shakhtjor Soligorsk, mesfushori shqiptar është dhe kapiteni i skuadrës, duke udhëhequr të tijët si një lider i vërtetë.
