Ditën e djeshme në rrugën e Barrikadave është ndaluar nga policia Emiljano Nina (Tasho), kushëriri i të shumëkërkuarit të drejtësisë, Ervis Martinajt.
Nina është ndaluar nga efektivët e forcave “Shqiponja” teksa udhëtonte si pasagjer në një mjet tip “Audi” me ngjyrë të zezë
Efektivët i kanë bërë shenjë ndalimi drejtuesit të mjetit, i cili ka hapur krahun. Drejtuesi i mjetit, Erison Lami ka rezultuar i ‘pastër’ pas kontrollit rutinë të policisë, ndërsa kushëriri i Martinajt rezultonte i shpallur në kërkim pasi akuzohej për mashtrim.
Gjithashtu bëhet me dije se ende po bëhen verifikime lidhur me çështjen në fjalë.
Kush është Emiliano Nina?
27-vjeçari është një person me precedentë penalë dhe i njohur për autoritetet vendase. Ai mbahet që nga vrasja e Enton Nikës, ngjarje e ndodhur në Linzë, më 11 nëntor të vitit 2015. gjithçka nisi për para me fajde.
Nina mbërriti në Linzë, pranë lokalit me emrin ‘Muraga’, i shoqëruar nga kushëriri i tij Ervis Martinaj, Mirsad Kuçan dhe Bujar Hasani Lika (tashmë i ndjerë).
Të katërt kërkonin Ismet Gaxherrin, pronarin e lokal ‘Muragës’, i cili u kishte para borxh. Mes tyre ndërhyri dhe Enton Nika e në momentin që Nina qëlloi me armë zjarri e vrau 30-vjeçarin e plagosi Gaxherrin. Dosja u mbyll dhe Nina u dënua, por problemet s’i la mënjanë.
Në vitin 2018, i riu që në atë kohë ishte 23 vjeç tronditi pushuesit në Dhërmi pasi qëlloi me armë zjarri në një klub natën. Ai qëlloi katër herë, por nuk la të lënduar. E gjithë ngjarja, sipas bluve në atë kohë, ndodhi pas një sherri mes Emilianos dhe një tjetër personi, për konflikte të hershme mes tyre.
Emiliano (Nina) Tasho është gjithashtu i përfshirë edhe në vjedhje. Më datë 30.09.2015 dhe më datë 12.03.2014, Nina marrë pjesë në dy vjedhje me armë zjarri. Njëra ishte grabitje në një supermarket.
