Aksidentet ku përfshihen autobusët e transportit publik në Tiranë janë shtuar ndjeshëm në muajt e fundit, madje disa herë duke vendosur në rrezik serioz jetën e qytetarëve.
Një aksident i tillë është shënuar ditën e sotme në zonën e Institutit, ku një autobus i linjës së Kamzës ka dalë nga rruga, duke përfunduar mbi bordurën ndarëse të trafikut.
Ndërkohë, vetëm pak ditë më parë një urban i linjës së Institutit mori flakë në ecje, por fatmirësisht pasagjerët arritën të dalin në kohë pa pësuar lëndime.
Rasti më i rrezikshëm ishte ai i aksidentit ku u përfshi autobusi i kompanisë “Green Line” të linjës së Unazës, pranë parkut “Rinia”. Autobusi mori përpara 10 makina dhe la pas 9 persona të lënduar.
