Një plagosje është regjistruar mesditën e sotme në qytetin e Korçës. Mësohet se një 19-vjeçar pas një sherri për motive të dobëta ka goditur me thikë një 17-vjeçar
Policia sqaron se pas ngjarjes arrestoi autorin. pas hekurave përfundoi shtetasi me inicialet M. B., banues në fshatin Barç.
“Më datë 11.04.2023, në lagjen nr. 10, Korçë, shtetasi M. B., 19 vjeç, banues në fshatin Barç, Korçë, gjatë një konflikti, dyshohet se ka dëmtuar me mjet prerës (thikë), një 17-vjeçar, i cili aktualisht ndodhet në spitalin e Korçës, jashtë rrezikut për jetën.
Falë ndërhyrjes të shpejtë, shërbimet e Policisë bënë të mundur kapjen dhe shoqërimin në ambientet e Komisariatit të Policisë Korçë, të autorit të dyshuar të plagosjes, shtetasit M. B., ndaj të cilit po kryhen veprimet e mëtejshme procedurale”, thuhet në njoftim.
Ndërkohë, grupi hetimor po punon për sqarimin e plotë të rrethanave të ngjarjes.
