Një sulm i dhunshëm ndaj një 25-vjeçari shqiptar gjatë natës së Pashkëve në Romë, ka alarmua policinë italiane.
Sipas rikonstruksionit të ngjarjes nga karabinierët, i riu është goditur me një send të mprehtë gjatë rrugës për në shtëpi, në kryeqytetin italian.
Për të dhënë alarmin, të nxitur nga britmat dhe thirrjet për ndihmë të 25-vjeçarit, kanë mendur disa nga fqinjët.
I riu ndërkohë ka pësuar disa dëmtime në kokë. Ai i ka treguar personelit shëndetësor se është përballur me dy persona me fytyrë të mbuluar dhe me theks kampanian, të cilët kanë zbritur nga një makinë e ndaluar në rrugë.
25-vjeçari u transferua në urgjencë ku mjekët e pranuan me një kod portokalli rrezikshmërie për jetën, pasi plagët janë shkaktuar me një send të mprehtë dhe nuk janë aspak të lehta.
Karabinierët po shqyrtojnë pamjet nga kamerat e sigurisë për të zbuluar agresorët, por dyshojnë se bëhet fjalë për një mesazh ndaj 25-vjeçarit si formë e një akti kanosjeje.
Kjo pasi, të riut për çudi nuk i kanë marrë as portofolin dhe as celularin.
