Tirana është tronditur në orët e para të mëngjesit të kësaj të shtune nga një krim i rëndë brenda familjes, i ndodhur në Shkozë, ku një 43-vjeçar vrau me armë zjarri kunatën e më pas veten.
Autori i ngjarjes së rëndë është identifikuar si shtetasi Roland Sinani.
Me një pistoletë ai i ka marrë jetën kunatës (nuses së vëllait) Migena Sinani, 37 vjeçe dhe më pas ka qëlluar edhe veten.
Burimet bëjnë me dije se i vëllai nuk ka qenë në banesën ku ka ndodhur krimi, pasi punonte si taksist në kryeqytet.
Sa i përket 43-vjeçarit, ai ishte i pa martuar dhe merrte mjekim pasi kishte probleme të shëndetit mendor, por jetonte në një shtëpi me vëllain (bashkëshorti i Migenës), i cili dhe dy prindërit e moshuar të tyre, të cilët sipas deklarimeve paraprake kanë qenë në gjumë dhe nuk kanë parë sesi ka ndodhur ngjarja.
Ndërkohë, në banesë është sekuestruar edhe arma e zjarrit pistoletë.
