Senatori amerikan Steve Daines, ka zhvilluar një vizitë zyrtare në Shqipëri, ku është takuar me krerët më të lartë të shtetit; presidentin Begaj, kryeministrin Rama dhe ministren e jashtme, Olta Xhaçka.
Senatori amerikan ka vizituar dhe Bazën Ajrore të NATO-s në Kuçovë, e cila do të jetë një qendër operacionale e kontrolluar nga aleanca. Në këtë objekt, Steve Daines është shoqëruar nga shefin i Shtabit të Përgjithshëm, Gjeneral Brigade Arben Kingji.
I shoqëruar nga bashkëshortja e tij, Senatori Daines shfrytëzoi gjithashtu rastin për të vizituar qytetin historik të Beratit, i cili është në Trashëgiminë Botërore të UNESCO-s.
Postimi i ambasadës amerikane:
Në vizitën e tij të parë në Shqipëri, senatori i SHBA Steve Daines u takua me Presidentin Begaj, Kryeministrin Rama, Ministren e Jashtme Xhaçka dhe udhëheqës të tjerë politikë. Ai vlerësoi udhëheqjen e Shqipërisë në mbështetje të Ukrainës dhe pritjes së afganëve, dhe mirëpriti lidhjet ekonomike në rritje SHBA-Shqipëri dhe bashkëpunimin në sektorin e energjisë.
Senatori ripohoi bashkëpunimin tonë në mbrojtje si aleatë të NATO-s dhe mbështetjen e SHBA për sigurinë kibernetike të Shqipërisë. Me Shefin e Shtabit Gjeneral Brigade Kingji, senatori Daines vizitoi bazën ajrore të Kuçovës, ku Shqipëria dhe NATO po përmirësojnë objektet për operacionet e NATO-s. Senatori Daines shfrytëzoi gjithashtu rastin për të vizituar qytetin historik të Beratit, i cili është në Trashëgiminë Botërore të UNESCO-s.
