Jose Maria Bisbal, 54-vjeç vëllai i madh i këngëtarit të famshëm David Bisbal është gjetur i gjallë nga Garda Civile. Zhdukja e tj u bë publik në të njëjtën ditë pasi u raportua të martën në qytetin Roquetas de Mar, në Almeria.
Agjentët e kanë gjetur atë rreth orës një pasdite në të njëjtën komunë. Pas gjetjes së tij, e njëjta forcë sigurie ka kërkuar një ambulancë për të kontrolluar gjendjen e tij shëndetësore. Agjentët kishin mobilizuar trupa nga toka, deti dhe ajri për ta gjetur atë.
“Të dashur miq dhe ndjekës. Dua të shpreh mirënjohjen time më të thellë për të gjithë njerëzit që bashkëpunuan në kërkimin dhe vendndodhjen e vëllait tim Josemari, i cili u zhduk për 30 orë.
Falë bashkëpunimit të Gardës Civile, Policisë Kombëtare dhe Policisë Vendore, si dhe bashkëpunimit të qytetarëve, kemi mundur ta gjejmë dhe tani ndodhet i shtruar në spital, por në gjendje të qëndrueshme.
Ky ka qenë një moment tensioni maksimal për të gjithë familjen tonë, faleminderit për shqetësimin dhe shprehjet e dashurisë! Dua të kërkoj respekt për privatësinë e vëllait tim dhe të familjes, pasi është një situatë shumë delikate dhe emocionale për të gjithë ne. Dhe përfundon:
“Edhe një herë faleminderit të gjithëve për bashkëpunimin dhe solidaritetin në këto momente të vështira”, shkroi ai. Sipas burimeve pranë rastit, shqetësimi për zhdukjen në familje ka qenë më i madh për shkak të mesazheve të publikuara nga i zhdukuri në rrjetet e tij sociale, ku aludohet për një ndarje sentimentale.
Jose Maria Bisbal Ferre është një adhurues i peshkimit nënujor dhe Garda Civile kishte mobilizuar disa burime detare dhe ajrore pasi dyshuan se ai mund të kishte hyrë në det.
