Dy persona kanë përjetuar tmerr pas mesnatës së djeshme në zonën e “Unazës së Re” në Tiranë.
Policia njofton se një 25-vjeccar dhe një 35-vjeccar janë kanosur dhe goditur me grushte nga dy persona të tjerë, ende të paidentifikuar.
“Më datë 06.04.2023, në mesnatë, në Unazë të Re, dyshohet se 2 shtetas ende të paidentifikuar kanë kanosur dhe goditur me grushte shtetasit E. H., 25 vjeç dhe K. I., 35 vjeç, të dy banues në Tiranë. Punohet për identifikimin dhe kapjen e autorëve”, njofton policia.
Materialet i kaluan Prokurorisë, për veprime të mëtejshme procedurale.
