Rastet e dhunës në familje, e kryesisht ndaj partnereve vijojnë të mbeten fenomen shqetësues për policinë e shtetit.
Po ashtu edhe përndjekjet, që përbëjnë vepër penale dhe për të cilën është arrestuar në Tiranë një 24-vjeçar, i cili duket se nuk ka kapërdirë lehtë debatet dhe ndarjen me të dashurën.
Mësohet se në pranga ka rënë i riu me inicialet Xh.L., banues në Tiranë, pasi ka përndjekur ish-të dashurën e tij, si dhe ka dëmtuar xhamin e automjetit me të cilin ajo udhëtonte.
“Specialistët për Hetimin e Krimeve të Komisariatit të Policisë Nr. 2 arrestuan shtetasin Xh. L., 24 vjeç, banues në Tiranë, pasi ka përndjekur ish-të dashurën e tij, si dhe ka dëmtuar xhamin e automjetit me të cilin ajo udhëtonte”, njofton policia.
Materialet i kaluan Prokurorisë, për veprime të mëtejshme procedurale.
