Ylli i Hollivudit, Leonardo DiCaprio është në gjykatë në Uashington, DC, për të dëshmuar në gjyqin për korrupsion të reperit Pras Michel.
DiCaprio, i cili po shfaqet si dëshmitarë i prokurorisë, dëshmoi për shfrytëzimet e supozuara të financierit malajzjan Jho Low. Low akuzohet për vjedhjen e 4.5 miliardë dollarë nga fondi i pasurisë sovrane të 1MDB të Malajzisë dhe Michel është ndër ata që akuzohen se e kanë ndihmuar atë.
“E kuptovva që është biznesmen i madh e me shumë lidhje, ai ishte një mrekulli në botën e biznesit”, -tha aktori Leonardo DiCaprio.
Sipas BBC, Low ishte “veçanërisht bujar” me DiCaprio pasi i dhuroi atij një vepër arti prej 3.2 milionë dollarësh nga Picasso, si dhe një vepër prej 9.2 milionë dollarësh nga Jean-Michel Baquiat.
Leonardo DiCaprio më vonë thuhet se ua dorëzoi autoriteteve ato sende dhe dhurata të tjera të marra nga Low.
Në vitin 2019, DiCaprio thuhet se dëshmoi para një jurie të madhe në Uashington DC si pjesë e hetimit të departamentit të drejtësisë për rastin 1MDB, rasti më i madh i përvetësimit në histori.
DiCaprio nuk do të jetë i vetmi personazh i famshëm që dëshmoi në gjyqin e Pras Michel.
Gjatë përzgjedhjes së jurisë, avokatët emëruan aktorë duke përfshirë Jim Carrey, Jamie Foxx dhe Mark Wahlberg si dëshmitarë të mundshëm, përveç regjisorit Martin Scorsese.
Rasti i përhapur mund të shohë gjithashtu dëshmi nga ish-zyrtarë të nivelit të lartë të qeverisë amerikane dhe të brendshëm politikë, duke përfshirë ish kryestrategun e Donald Trump, Steve Bannon dhe Rudy Giuliani, ish-kryetar i bashkisë së Nju Jorkut dhe më parë avokat i zotit Trump.
