Rrugët e Shqipërisë janë përgjakur sërish këtë të dielë, teksa dy aksidente me pasojë vdekjen janë regjistruar brenda dy orëve.
Një i ri humbi jetën teksa një automjet e “fluturoi” për disa metra në ajër kur tentoi të kalonte rrugën në “Unazën e Re” në Astir, ndërsa një tjetër ndërroi jetë si pasojë e një aksidenti në aksin Sukth-Manzë.
Mësohet se drejtuesi i automjetit që ka përplasur motorin, ku shtetasi me iniciale M.R. (rreth 40 vjeç) ishte pasagjer, është larguar me shpejtësi nga vendngjarja.
Njoftimi i policisë:
Rreth orës 21:15, në aksin rrugor Sukth-Manzë, një automjet ende i paidentifikuar është përplasur me motomjetin me drejtues shtetasin M. R.
Si pasojë e përplasjes ka ndëruar jetë pasagjeri shtetasi M. N, që ndodhej në motomjet, ndërsa drejtuesi i motomjetit ndodhet në spital nën kujdesine mjekëve.
Drejtuesi i automjetit që shkaktoi aksidentin është larguar nga vendi i ngjarjes. Shërbimet e Policisë po vijojnë veprimet për identifikimin dhe kapjen e tij
Grupi hetimor ndodhet në vendngjarje dhe po punon për sqarimin e rrethanave të aksidentit.
