Një aksident i rëndë është regjistruar në orët e vona të pasdites së kësaj të diele në kryeqytet.
Mësohet se një automjet ka marrë përpara një person, teksa lëvizte në “Unazën e Re” të Tiranës, në zonën e Astirit, duke i shkaktuar vdekjen e menjëhershme.
Në imazhet e rënda të siguruara nga vendngjarja shihet trupi i pajetë i të aksidentuarit që dergjet ende në rrugë, ndërsa pritet mbërritja e ambulancës.
“Më datë 02.04.2023 rreth orës 19:20, në Unazë të Re, shtetasi P. M., duke drejtuar automjetin e tij ka aksidentuar një shtetas, ende të paidentifikuar, i cili si pasojë e aksidentit ka ndërruar jetë në vendngjarje”, njofton policia.
Dhjetëra forca policie ndodhen në vendngjarje, ndërsa është paralizuar trafiku në dalje të Tiranës.
Grupi hetimor ndodhet sakaq po punon për identifikimin e viktimës dhe sqarimin e rrethanave te aksidentit.
