Trajneri i Manchester City-t, Pep Guardiola, shpesh herë e ka deklaruar se pasi të përfundojë kontratën me klubin anglez dëshiron të marrë drejtimin e një kombëtareje.
Megjithatë së fundmi tekniku është përmendur se mund të largohet më herët nga “Citizens”, ndonëse ka kontratë deri në 2025-ën.
Në këtë situatë Manchester City është duke vëzhguar me kujdes mundësitë që ka për ta zëvendësuar Guardiolën dhe emri i parë në listën e dëshirave është ai i ish-trajnerit të Spanjës, Luis Enriques.
E ardhmja e Enriques është lidhur me disa skuadra përfshirë këtu Atletico Madrid apo edhe Milanin, megjithatë në rast të një largimi të Guardiolës City-t pritet të hidhet fuqishëm në sulm.
