Astrologia Meri Shehu, e ftuar në “Rudina” në Tv Klan për të parashikuar se çfarë thonë yjet për javën, ka lajme të mira për shenjat.
Dashi – 3 yje – Dashi ka informacione, vendime të zgjuara, lëvizje interesante, fat në marrëveshjet ekonomike e tregtare, fat në energji. Do çlirojë diçka nga vetja që nuk e njihte, që mund të jetë një ide e re, bashkëpunim apo mundësi e re. Kujdes nga Marsi sepse shenjat kardinale marrin një lloj tronditjeje nga Marsi në Gaforre.
Demi – 2 yje – Këtë javë nuk shprehen dot. Afërdita në Dem takohet me Uranin, surpriza të mëdha në jetën erotike, shpeshherë mund të jenë të këndshme por edhe të papritura jo shumë të këndshme, ndarje ose rrëshqitje nga baza.
Binjakët – 1 yll – Lëkundje te mëdha në lidhje me karrierën, pavendosmëritë e tyre, por Marsi në Gaforre dhe takimi me Saturnin mund t’iu japë një avantazh këto ditët e para të javës që mund të bëjë një marrëveshje të mirë dhe të kthjellohen.
Gaforrja – 3 yje – Marsi është në shenjën e tyre prandaj duhet të kenë kujdes në mënyrën si komunikojnë, vendimet si i marrin, si planifikojnë dhe nervozizmin. Do dalin më luftarake se sa duhet në këtë kohë. Një lajm ligjor i mirë dhe mundësi për të kontaktuar, udhëtuar dhe pse jo, dashuruar.
Luani – 4 yje – Një kthesë e mirë në lidhje me karrierën dhe një dashuri të papritur me shikim të parë. Luanët që janë një shenjë e dashurisë, nuk do t’i thonë jo një ngjarje apo evenimenti që për të tjerët mund të quhet një pakujdesi apo të luash me fatin.
Virgjëresha – 4 yje – Gjithë takimet që bëhen për çështje ekonomike nesër janë shumë të mira. Kujdes nga kontaktet dhe bashkëpunimet me Demët sepse mund të kemi një rrëshqitje të vogël.
Peshorja – 4 yje – Të kenë kujdes sepse mund të prishen disi ekuilibrat familjarë dhe të karrierës e të përballen me një epror të vështirë, por gjithsesi do bëhet një bashkëpunim i mirë ose do të jepet dora për një martesë apo marrëveshje shumë të rëndësishme në jetën e tyre.
Akrepi – 5 yje – Do bëjnë një kthesë të rëndësishme në jetën në partneritet, në martesë. Kemi martesa, lidhje, dashuri të reja, bashkëpunime shumë të fuqishme dhe punë, do kenë projekte dhe oferta të mira.
Shigjetari – 4 yje – Kanë një ndryshim të mirë në lidhje me punën. Do vlerësohen ekonomikisht ose do ndjehen të dashuruar me punën e tyre dhe përditshmëria do marrë një freskim, një ajër të mirë, një humor të këndshëm, por edhe me shëndetin do ndjehen që gjërat po shkojnë mirë. Do kenë edhe një takim shumë romantik në dashuri.
Bricjapi – 2 yje – Një projekt ose problematikë familjare do t’i nxjerrë nga qetësia e tyre. Mund të kenë nervozizëm në familje dhe në karrierë, me eprorët të kenë kujdes ose të mos nxitojnë shumë me makina apo veprimet e tyre. Të ruajnë qetësinë sepse janë momente nervozuese për Bricjapët.
Ujori – 4 yje – Planeti i tyre, Urani takohet me Afërditën dhe është një takim fatlum që sjell dashuri, para, fat, qetësi, bukuri, harmoni dhe çdo gjë që mund të ndodhë gjithnjë për mirë. Afërdita gjithnjë është joshëse dhe e bukur.
Peshqit – 3 yje – Sa më të zgjuar të jenë, mund të bëjnë një marrëveshje shumë të mirë ekonomike. Peshqit do favorizohen erotikisht nesër. Kujdes nga lidhjet e shkuara që mund t’ju tronditin në dashuri.
