Këngëtari Ermal Fejzullahu tregoi pak kohë më parë mbështetjen e tij për banorin e Big Brother VIP Albania, Luiz Ejllin. Ai tha se me artistin shkodran njihen prej 20 vite dhe se gjithmonë ka qenë i tillë me humor dhe një djalë artist.
“Të njoh që dy dekada, po i gëzohem faktit që edhe publiku të do fort ashtu siç të duam ne që të njohim nga afër. “- shkruante ai asokohe.
I ftuar së fundmi në një intervistë për RTV Ora, ai ka treguar sërish përkrahjen e tij për konkurrentin e këtij ‘reality show’. Ai theksoi mbi të gjitha se Luizi e meriton fitoren, duke i uruar sa më shumë suksese.
“Luizi më së pari ka shumë karizëm dhe është shumë djalë, artist. Tani thonë pas kalit të mirë çohet pluhur, atij vetëm i uroj shëndet dhe ishalla i ec mbarë. Besoj që i takon edhe fitorja”, tha Ermali.
