Apeli i Juridiskionit të Përgjithshëm në Tiranë ka lënë në fuqi vendimin e Shkallës së Parë të Elbasanit për Arben Spahiun e Arsen Preçin, që caktoi ndaj tyre masën e sigurisë së arrestit me burg.
Ata u arrestuan pasi në një automjet tip BMW u gjetën armë me të cilat dyshohet se do të kryhej një atentat. Automjeti u gjet në shkurt në lagjen Emin Matraxhiu në Elbasan.
Në çantën e gjetur nga policia brenda makinës, përvec pistoletës, u gjenden edhe dy mjete identifikimi të huaja të 53-vjecarit Arben Spahiu. Ky i fundit njihet për lidhjet familjare që ka me Erion Alibej, i akuzuar dhe i burgosur për të paktën 2 vrasje në Elbasan.
Gjykata e Elbasanit vendosi masën “Arrest me burg” për Spahiun dhe Preçin në fund të shkurtit. Trupi gjykues caktoi një afat 60 ditor për prokurorin me qëllim gjetjen e provave.
Arben Spahiu akuzohet për “Mbajtja pa leje dhe prodhimi i armëve, armëve shpërthyese dhe municionit”, “Falsifikimi i dokumenteve” dhe “Sigurimi i kushteve dhe mjeteve materiale për të kryer vrasje”.
Arsen Preçi akuzohet për “Mbajtja dhe prodhimi i armëve, armëve shpërthyese dhe municionit”.
