Janë publikuar pamjet pranë godinës së “Top Channel” që u qëllua me breshëri plumbash dhe për pasojë ndërroi jetë roja i sigurisë Pal Koka, 60 vjeç.
Në pamje duken shenjat e plumbave në kangjella dhe xhamat e godinës, ndërsa në vendngjarje mësohet se janë gjetur 25 gëzhoja.
Ngjarja e rëndë ndodhi rreth orës 1:00 të mesnatës, ku persona ende të paidentifikuar kanë qëlluar me breshëri plumbash drejt ambjenteve të Top Channel, duke lënë të vdekur kështu rojen e televizionit.
Ndërkohë është gjetur dhe automjeti i djegur, i autorëve brenda të cilit janë gjetur dhe kallashnikovët të përdorur në krim.
Nuk dihen ende shkaqet e ngjarjes së rëndë, ndërsa rasti po hetohet nga policia.
