Ishte piloti italian, kampion në fuqi i botës, Pecco Bagnaia, i cili me Ducatin e tij, ia doli të triumfojë në Moto GP Portimao. Pranë tij u renditën Maverick Vinales, që e përfundoi i dyti dhe Marco Bezzecchi që kompletoi podiumin.
Për incidentin mes Marquezit dhe Oliveiras, kampioni Bagnaia shtoi: “Nuk e di se çfarë ndodhi. Gara e parë sigurisht që çon në të qenit pak agresiv. Ata që nuk kanë ritëm gjithmonë përpiqen të qëndrojnë përpara për të qëndruar në sulm dhe kjo mund të jetë pasojë e gjithë kësaj. Shpresoj që Oliveira të jetë mirë dhe shpresoj që të jetë vetëm episodi i garës së parë”.
Por vërshëllimat për Marquez në momentin e daljes nga pista nuk munguan, ndërkohë që drejtuesit e Aprilas kërkuan dënim të spanjollit, në mënyrë që të mos përsëriten më incidente të tilla.
