Rastet e dhunës ndaj efektivëve të policisë në Tiranë duket se janë kthyer në trend.
Vetëm katër ditë më parë në kryqëzimin e Laprakës u dhunua drejtori i Europol Tirana, Artan Bajraktari, nga një 23-vjeçar që e grushtoi pasi nuk “përtypi” dot parakalimin.
Vetëm 24 orë kaluan nga ky incident dhe një 31-vjeçar u vu në pranga nga policia pasi goditi për shkak të detyrës një efektiv policie në lagjen “Çamëria”.
Ndërkohë, nuk ka vonuar shumë dhe një tjetër episod i ngjashëm ka ndodhur në kryeqytet.
Uniformat blu njoftojnë se kanë vënë në pranga një 22-vjeçar, pasi ka goditur efektivitin e policisë në momentin që e shoqëronte në Komisariat.
Ndërkohë në gjendje të lirë është proceduar miku i tij, një 26-vjeçar.
“Specialistët për Hetimin e Krimeve të Komisariatit të Policisë Nr. 6 arrestuan shtetasin F. S., 22 vjeç, dhe proceduan penalisht në gjendje të lirë shtetasin Xh. S., 26 vjeç, të dy banues në Tiranë, pasi kanë kundërshtuar një punonjës Policie gjatë shoqërimit, ndërsa shtetasi F. S., e ka goditur atë”, njofton policia.
LEXO EDHE:
Dhunohet shefi i Interpol Tirana, u godit nga një 23-vjeçar për një parakalim
Dhunoi efektivin e policisë në Tiranë, vihet në pranga 31-vjeçari
