Dy deputetët e Partisë Demokratike, Belind Këlliçi dhe Luçiano Boçi kanë dorëzuar këtë të premte në Kuvend mandatet e tyre, duke i hapur rrugë kandidimit për kryetarë bashkie në zgjedhjet lokale të “14 Majit”.
Dy figurat e PD janë pjesë e koalicionit “Bashkë Fitojmë”. Luçiano Boçi do të kandidojë për Bashkinë e Elbasanit dhe është kandidati që të gjithë demokratët mbështetën në “Primare”.
Ndërsa Belind Këlliçi do të kandidojë për Bashkinë e Tiranës, pasi në “primare” fitojë betejën me Ilir Alimehmetin.
Boçi dhe Këlliçi me shumë gjasë do të kenë përballë dy drejtuesit aktual të bashkive respektive, Gledjan Llatjan dhe Erion Veliajn.
