Ishte nisur me biçikletë për në qendrën spitalore, ku do t’i nënshtrohej disa analizave mjekësore, por ky udhëtim i shkurtër në mëngjesin e 21 marsit ka rezultuar fatal për një 59-vjeçar shqiptar, në provincën e Caserta-s.
Mediat lokale raportojnë se shqiptari është goditur për vdekje nga një furgon, drejtuesi i të cilit humbi kontrollin e mjetit teksa lëvizte në rrugën Provincial 18 të qytezës Villa Literno.
Për ironi të fatit drejtuesi i furgonit raportohet të jetë një bashkëkombës i viktimës. Edhe pse ai ia mbathi nga vendngjarja duke braktisur furgonin dhe nuk i dha ndihmën e parë 59-vjeçarit, karabinerët kanë bërë të mundur arrestimin e 28-vjeçarit shqiptar në orët e vona të mbrëmjes së të martës.
I riu i arrestuar akuzohet për “vrasje me automjet”, pasi drejtonte furgonin që u përfshi në aksidentin tragjik, të ndodhur rreth orës 6:30 të paradites.
Sa i përket viktimës ai po ngiste biçikletën dhe po udhëtonte nëpërmjet Santa Maria a Cubito, në rrugën Provincial 18, kur u përplas nga furgoni i bardhë i bashkëkombësit të tij, që po lëvizte me shpejtësi. Ai ishte drejtuar për në një qendër diagnostike pranë Giugliano për t’iu nënshtruar disa analizave mjekësore.
Drejtuesi i mjetit ka dalë nga kabina e pasagjerëve dhe është larguar në këmbë duke i humbur gjurmët përkohësisht.
Në vendngjarje ndërhynë me shpejtësi mjekët, të cilët fatkeqësisht nuk kanë mundur të bëjnë gjë tjetër veçse konstatuan vdekjen e 59-vjeçarit:
