Momenti kur një prezantuese e re televizive ka humbur ndjejat në studio gjatë një transmetimi direkt në Kolumbi po bën xhiron e rrjetit.
Modelja dhe aktorja Elianis Garrido, 35 vjeçe, ishte duke bashkë-prezantuar programin televiziv ‘Lo Sé Todo’ më 16 mars kur papritur dukej sikur nuk merrte dot frymë dhe u shemb në dyshemenë e studios.
Ish-modelja shihet fillimisht që lëviz sikletshëm ulur në stolin e saj, teksa qëndronte pranë bashkë-prezantuesit Ariel Osorio. Teksa gruaja shihet gjithnjë e më shumë në siklet, ajo tenton të ngrihet në këmbë duke iu larguar kamerave duke mbajtur gojën me dorë.
Disa momente më vonë ajo shembet përdhe nga karrigia e saj, teksa disa anëtarë të setit tentojnë t’i vijnë në ndihmë.
Rrjeti u detyrua të kalonte në reklama për të kontrolluar prezantuesen e tyre të sëmurë.
Prezantuesja u largua për në klinikë ndërsa Osorio informoi shikuesit se kolegia e tij kishte pësuar “probleme frymëmarrjeje”.
