Wolves po kalon një moment shumë të vështirë, pasi skuadra po luan për mbijetesë në këtë sezon.
Një situatë e tillë ka rritur presionin te drejtuesit, pasi disa prej lojtarëve tashmë kanë nisur të shfaqin pakënaqësitë e tyre dhe në verë priten shumë ndryshime në organikë.
I pari i cili pritet të largohet është Ruben Neves. Për portugezin interesohen disa skuadra, me Liverpool dhe Manchester United në Premier League, por edhe Barcelona e Real Madrid nga Spanja.
Burime pranë 26-vjeçarit kanë bërë me dije se Neves po shqyrton me interes të ardhmen, pasi në verë ai do të largohet nga Wolves.
