Shpërthimi i një granate të paplasur gjatë kohës që familja Bishtogu në fshatin Kakavec të Prrenjasit ishte angazhuar për të punuar tokën pranë banesës së tyre, ka vendosur në rrezik jetën e disa personave.
Tre prej tyre kanë mbetur të plagosur si pasojë e shpërthimit dhe janë dërguar me urgjencë në spital, ku ndodhen jashtë rrezikut për jetën.
Personat që mbetën të plagosaur janë Olsi Elezi, 45 vjeç, Yllka Bishtogu 61 vjeçe dhe Viturie Bishtogu 58 vjeçe.
Të tre këta shtetas kanë qënë duke punuar tokën me bel, teksa aksidentalisht ka shpërthyer një granatë e vjetër, duke i dëmtuar në gjymtyrët e poshtme.
Ndërkohë për mediat lidhur me ngjarjen ka folur Kasëm Bishtogu, i zoti i shtëpisë, i cili gjithashtu ka marrë dëmtime të lehta në këmbë.
“U plagos Vita, vëllai, kunata dhe dhëndri. Edhe unë pak në këmbë diçka të vogël”, rrëfeu ai.
Ndërkohë, nipi i tij rrëfeu se ngjarja ka ndodhur kur familjarët ishin duke punuar tokën.
