Arrestimi i një 23-vjeçari shqiptar në Itali është kthyer në një sfidë për karabinierët, që kishin për objektiv ta ndalonin pas dyshimeve se shpërndante kokainë.
Gjithçka nisi kur gjatë një shërbimi të zakonshëm patrulle në rrugën “Montegrappa”, karabinierët kanë urdhëruar ndalimin e një makine “Nissan Pixo”, të drejtuar nga i riu shqiptar, përkohësisht pa leje drejtimi dhe dokumente të tjera identifikimi.
Efektivët e shoqëruan në shtëpinë e tij, por vunë re një qëndrim tepër nervoz. Sapo arritën para derës së hyrjes, djali i ka kërcënuar ata dhe iu ka hedhur fillimisht një karrige kokës dhe më pas një aspirator kuzhine.
Pasi i thanë më kot të qëndronte i qetë, karabinierëve i’u desh të përdornin pistoletën elektrike dhe më në fund arritën ta bllokonin në mënyrë të sigurt.
Gjatë kontrollit, atij iu gjetën 51 gramë kokainë dhe iu komunikuar se është arrestuar për “trafik droge”, por edhe “dhunë e rezistencës ndaj një zyrtari publik”.
