Një çift shqiptarësh në Peruxhia të Italisë kanë pushtuar faqet e para të mediave vendasë, pasi kanë tentuar një arratisje spektakolare, pasi kishin realizuar një grabitje.
Raportohet se çifti është arrestuar teksa kanë tentuar që të arratisen duke realizuar disa manovra të rrezikshme me mjetin e tyre.
Pasi janë pikasur nga efektivët, 28-vjeçari shqiptar që drejtonte mjetin, ka tentuar që të largohet me shpejtësi në korsinë e kundërt, por është ndaluar nga disa makina policie.
Ndërkohë, e reja që e shoqëronte është përpjekur të shtyjë fizikisht efektivin e policisë, dhe të largohet, por nuk ia ka dalë.
Gjatë kontrollit në makinë, dyshes së shqiptarëve u janë gjetur bizhuteri të vjedhura, ndërsa ka rezultuar se për 25-vjeçaren kishte edhe një urdhër dëbimi që prej 31 janarit.
