Një aksident i rëndë rrugor është regjistruar mbrëmjen e sotme në aksin rrugor Patos-Fier.
Raportohet se një automjeti tip “Opel” është përplasur me një automjet tip “Benz”. Si pasojë e përplasjes së rëndë, ka ndërruar jetë në vend 58-vjeçari Agron Saba.
Mësohet se Saba është punonjës policie në stacionin e Policisë së Patosit dhe drejtonte mjetin tip “Opel”.
Njoftimi i policisë:
Rreth orës 21:35, në aksin rrugor “Patos-Fier”, automjeti tip “Opel” me drejtues shtetasin Agron Saba., 58 vjeç, banues në Patos, (punonjës policie në Stacionin e Policisë Patos) është përplasur me automjetin tip “Benz” me drejtues shtetasin G. H., 27 vjeç, banues në Patos.
Si pasojë e kësaj përplasje, ka ndërruar jetë shtetasi A. S.
Grupi hetimor po punon për zbardhjen e shkaqeve të aksidentit.
