Një 41-vjeçar është arrestuar në Kamëz për armëmbajtje pa leje.
Në pranga u vu Bledjan Qose.
“Gjatë operacionit, në rrugën ‘OSBE’, në Kamëz, shërbimet e Policisë kanë lokalizuar dhe ndaluar automjetin me drejtues shtetasin B.Q. Gjatë kontrollit, në pjesën e kroskotit të automjetit është gjetur një armë zjarri pistoletë me krehër dhe municion luftarak, e cila u sekuestrua në cilësinë e provës materiale. Në përfundim të veprimeve u bë arrestimi në flagrancë i shtetasit B. Q., 41 vjeç, banues në Kamëz, dhe materialet procedurale i kaluan Prokurorisë, për veprime të mëtejshme”, njoftoi policia këtë të premte.
Aksioni nga komisariati 5 dhe “Shqiponjat” erdhi “bazuar dhe në informacionet e siguruara përmes inteligjencës informative, për një shtetas që qarkullonte me armë zjarri”, sipas të njëjtave burime.
