Një ngjarje tragjike ndodhi paraditen e sotme gjatë pelegrinazhit të besimtarëve katolikë në Kishën e “Shën Ndout” në Laç.
Një e moshuar u rrëzua në shkallët pas kishës, që të çojnë për në shpellën në formë guve, e njohur si shpella e “Shën Vlashit”, duke pësuar dëmtime të rënda në trup dhe kokë.
Plagët e rënda që mori i shkaktuan vdekjen 75-vjeçares, e cila është identifikuar vetëm në mbrëmje, pasi mësohet kishte shkuar vetëm në vendin e shenjtë dhe me vete nuk kishte asnjë dokument identifikimi.
Viktima është shtetësja Gjela Biba, banore në fshatin Ungrej, e cila kishte shkuar sot në kishë për nisjen e pelegrinazhit të 13 të Martave, kur ka humbur ekuilibrin dhe ka rënë nga lartësia.
