Një plagosje me thikë është regjistruar ditën e djeshme në Vlorë. Policia e qytetit bregdetar njofton se i plagosur ka mbetur një 45-vjeçar, banues në Gjakovë.
Ndërkohë, është arrestuar autori i krimit. Ai raportohet të jetë shtetas kosovar, banues në Prishtinë.
Ndërkohë në gjendje të lirë është proceduar edhe shtetasi 56-vjeccar me iniciale G.Ç..
Mësohet se të dy këta persona janë konfliktuar me 45-vjeçarin pas një sherri për motive banale.
“Specialistët për Hetimin e Krimeve të Komisariatit të Policisë Vorë arrestuan shtetasin L. K., 31 vjeç, si dhe nisi procedimi në gjendje të lirë për shtetasin G. Ç., 56 vjeç, të dy banues në Prishtinë, pasi ditën e djeshme, në bashkëpunim me njëri-tjetrin, pas një konflikti për motive të dobëta, në fshatin Muçaj, kanë goditur me mjet prerës shtetasin N. R., 45 vjeç, banues në Gjakovë, i cili ndodhet në spital, jashtë rrezikut për jetën”, thuhet në njoftimin e policisë.
