Ish-sulmuesi i Ballkanit, Ermal Krasniqi, është duke kaluar një moment të artë pas transferimit te Kluzhi këtë dimër.
Futbollisti shqiptar i ka mahnitur të gjithë me performancën e tij, teksa së fundmi është përfolur te Kombëtarja shqiptare.
Në mediat kosovare qarkulluan lajme që dëshira e lojtarit është përfaqësimi i ngjyrave kuqezi dhe burime pranë futbollistit thanë se ai pret një ftesë nga Silvinjo.
15 gola dhe tetë asiste deri tani për Krasniqin, me fanellën e Ballkanit dhe rumunëve të Kluzhit, teksa pritet të shihet nëse do të kalojë te kuqezinjtë, duke pasur parasysh edhe marrëdhëniet e mira që kanë dy federatat.
Krasniqi ishte protagonist edhe mbrëmjen e sotme në duelin ndaj Universita Kluz, teksa në minutën e 32-të, realizoi një gol të bukur me finte pas asistit të Manea. Pjesa e parë përfundoi me rezultatin 3-0 në favor të Kluzhit të Krasniqit. Ky ishte goli i katërt në kampionat me fanellën e rumunëve për shqiptarin e Kosovës.
https://twitter.com/i/status/1635368378276937728
