Një trup i pajetë është gjetur paraditen e sotme në një banesë, në lagjen “Mbrostar Ferko” të Fierit.
Mësohet se kanë qenë familjarët ata që kanë njoftuar policinë pasi ndoehen jashtë vendit dhe prej një jave nuk arrinin të kontaktonin me të afërmin e tyre Viktor Cuko.
64-vjeçari kishte një javë që nuk dilte nga banesa ku jetonte i vetëm ndaj policia ka ndërhyrë me ndihmën e shërbimit zjarrfikës.
Pasi kanë hyrë në banesë ata kanë konstatuar trupin e pajetë të 64-vjeçarit në shtratin e tij dhe paraprakisht dyshohet se vdekja ka qenë natyrale.
Në vendngjarje ndodhet grupi hetimor, i cili po punon për zbardhjen e rrethanave të ngjarjes. Ndërkohë trupi i 64-vjeçari është transportuar drejt morgut të qytetit.
